ជួបគ្នាជាមួយ ឧកញ៉ាបណ្ឌិត គីម ហ៊ាង ប្រធានក្រុមប្រឹក្សាភិបាលប្រតិបត្តិ នៃក្រុមហ៊ុន បុរី វិមានសំណាង ម.ក ក្នុងសិក្ខាសាលាស្តីអំពី​ «រៀន និងវិនិយោគលើទីផ្សារភាគហ៊ុនកម្ពុជា»

ក្រុមហ៊ុន បុរី វីមានសំណាង ម.ក មានកិត្តិយសសូមអញ្ជើញសាធារណជន សាស្ត្រាចារ្យ និស្សិត វិនិយោគិន និងបងប្អូនដែលមានបំណងចង់ស្វែងយល់ពីវិស័យហិរញ្ញវត្ថុ ចូលរួមក្នុងសិក្ខាសាលាដ៏មានសារៈសំខាន់ក្រោមប្រធានបទ «រៀន និងវិនិយោគលើផ្សារភាគហ៊ុនកម្ពុជា»។

សិក្ខាសាលានេះ ត្រូវបានរៀបចំឡើងក្នុងគោលបំណងចែករំលែកចំណេះដឹងគ្រឹះនៃការវិនិយោគ និងបើកឱកាសឱ្យសាធារណជនបានយល់ដឹងកាន់តែច្បាស់អំពីដំណើរការនៃការបោះផ្សាយលក់ភាគហ៊ុនជាសាធារណៈលើកដំបូង (IPO) របស់ក្រុមហ៊ុន បុរី វីមានសំណាង ម.ក។ ពិសេសជាងនេះទៅទៀត អ្នកចូលរួមនឹងទទួលបានបទពិសោធន៍ និងការចែករំលែកដោយផ្ទាល់ពី ឧកញ៉ាបណ្ឌិត គីម ហ៊ាង ប្រធានក្រុមប្រឹក្សាភិបាលប្រតិបត្តិ នៃក្រុមហ៊ុន បុរី វីមានសំណាង ម.ក។