ផ្ទុះការចាប់អារម្មណ៍ខ្លាំងនៅសៀមរាប! សិក្ខាសាលាភាគហ៊ុនរបស់ បុរី វិមានសំណាង ទទួលបានការគាំទ្រយ៉ាងច្រើនលើសលប់
-
Khmer Real Estate Co., Ltd
-
| 24 August 2026, 8:38 am |
-
1 View
ខេត្តសៀមរាប, ថ្ងៃទី២៣ ខែសីហា ឆ្នាំ២០២៦ — ក្រុមហ៊ុន បុរី វិមានសំណាង ម.ក បានរៀបចំសិក្ខាសាលាដ៏មានសារៈសំខាន់មួយក្រោមប្រធានបទ «រៀន និងវិនិយោគលើផ្សារភាគហ៊ុនកម្ពុជា» នាព្រឹកថ្ងៃអាទិត្យ ទី២៣ ខែសីហា ឆ្នាំ២០២៦ នេះ នៅសណ្ឋាគារ The Sanctuary Residence ស្ថិតក្នុងទីរួមខេត្តសៀមរាប។
អង្គសិក្ខាសាលានេះ បានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់គណៈអធិបតីរួមមាន៖
-លោក ឧកញ៉ាបណ្ឌិត គីម ហ៊ាង ប្រធានក្រុមប្រឹក្សាភិបាលប្រតិបត្តិនៃ បុរី វិមានសំណាង
-លោក ឧកញ៉ាបណ្ឌិត ហ៊ុយ ភៀវ ប្រធានសភាពាណិជ្ជកម្មខេត្តសៀមរាប
ព្រឹត្តិការណ៍នេះក៏មានការអញ្ជើញចូលរួមយ៉ាងច្រើនកុះករពីសំណាក់សាធារណជន អ្នកវិនិយោគ និងអាជីវករ ក្នុងខេត្តសៀមរាប ដែលមានបំណងស្វែងយល់ និងចាប់យកឱកាសវិនិយោគក្នុងវិស័យផ្សារមូលបត្រកម្ពុជា (CSX)។
គោលបំណង និងចំណុចសំខាន់ៗនៃសិក្ខាសាលា
ការចែករំលែកបទពិសោធន៍ពីគណៈអធិបតី៖
លោក ឧកញ៉ាបណ្ឌិត គីម ហ៊ាង បានចែករំលែកនូវចំណេះដឹងស៊ីជម្រៅ យុទ្ធសាស្ត្រ និងបទពិសោធន៍ជាក់ស្តែងក្នុងការវិនិយោគលើផ្សារភាគហ៊ុនកម្ពុជា វិធីសាស្ត្រជ្រើសរើសភាគហ៊ុនដែលមានសក្តានុពល និងការបែងចែកទ្រព្យសម្បត្តិដើម្បីបង្កើតប្រភពចំណូលអសកម្ម។
កិច្ចសហការ និងការគាំទ្រពីវិស័យឯកជនក្នុងតំបន់៖ ការអញ្ជើញចូលរួមពី លោក ឧកញ៉ាបណ្ឌិត ហ៊ុយ ភៀវ ប្រធានសភាពាណិជ្ជកម្មខេត្តសៀមរាប បានស្តែងឱ្យឃើញពីកិច្ចសហការយ៉ាងជិតស្និទ្ធរវាងវិស័យធុរកិច្ច និងការជំរុញបរិយាកាសវិនិយោគនៅកម្ពុជា ពិសេសក្នុងខេត្តសៀមរាបឱ្យកាន់តែមានភាពរស់រវើក។
ការបង្កើនចំណេះដឹងហិរញ្ញវត្ថុ និងបណ្តាញទំនាក់ទំនង៖ សិក្ខាកាមបានចូលរួមសួរដេញដោល និងផ្លាស់ប្តូរមតិយោបល់យ៉ាងផុសផុល ព្រមទាំងបានបង្កើតបណ្តាញទំនាក់ទំនងល្អៗរវាងអ្នកវិនិយោគ និងថ្នាក់ដឹកនាំធុរកិច្ចក្នុងស្រុក។លោក ឧកញ៉ាបណ្ឌិត គីម ហ៊ាង បានមានប្រសាសន៍នៅក្នុងអង្គសិក្ខាសាលាថា៖
«ការយល់ដឹងពីផ្សារមូលបត្រ គឺជាសោរដ៏សំខាន់មួយក្នុងការបើកទ្វារទៅរកទុន និងការរីកចម្រើនផ្នែកហិរញ្ញវត្ថុប្រកបដោយរឹងមាំ។ បុរី វិមានសំណាង មិនត្រឹមតែផ្តោតលើការអភិវឌ្ឍអចលនទ្រព្យគុណភាពខ្ពស់ប៉ុណ្ណោះទេ ប៉ុន្តែយើងក៏ប្តេជ្ញាចិត្តក្នុងការចូលរួមចំណែកលើកកម្ពស់ចំណេះដឹងផ្នែកហិរញ្ញវត្ថុ និងការវិនិយោគជូនដល់ប្រជាពលរដ្ឋកម្ពុជាផងដែរ»។
ការរៀបចំសិក្ខាសាលានៅខេត្តសៀមរាបនាពេលនេះ ឆ្លុះបញ្ចាំងពីការប្តេជ្ញាចិត្តរបស់ ក្រុមហ៊ុន បុរី វិមានសំណាង ម.ក ក្នុងការជំរុញការយល់ដឹងផ្នែកហិរញ្ញវត្ថុនៅតាមបណ្តាខេត្ត និងបើកឱកាសឱ្យសាធារណជនទូទៅអាចចូលរួមកសាងចំណេះដឹងដើម្បីបង្កើតទុនវិនិយោគប្រកបដោយប្រសិទ្ធភាព។ក្រុមហ៊ុន បុរី វិមានសំណាង ម.ក គឺជាក្រុមហ៊ុនអភិវឌ្ឍន៍អចលនទ្រព្យឈានមុខគេមួយនៅកម្ពុជា ដែលផ្តោតលើការកសាងលំនៅដ្ឋាន និងភូមិគ្រឹះប្រណិតៗ ប្រកបដោយគុណភាព សោភ័ណភាព និងឧត្តមភាពនៃការរស់នៅ ព្រមទាំងតែងតែចូលរួមយ៉ាងសកម្មក្នុងសកម្មភាពសង្គម និងការចែករំលែកចំណេះដឹងធុរកិច្ច។
**សម្រាប់ព័ត៌មានបន្ថែម សូមទំនាក់ទំនង៖
លេខទូរស័ព្ទ៖ 011 62 6789 / 061 96 2000
