(855) 023 928 789
Chinese simplified English Khmer

Events

បណ្ឌិ​តគីម​ ហ៊ា​ង៖ តម្លៃ​អចលនទ្រព្យ​ឡើងថ្លៃ​ ឬចុះ​អាស្រ័យ​លើ​កក្តា​ទាំង ៥នេះ​

Copy-of-1-Image

ដោយ​ ៖ រ៉ា​ណេត​

ភ្នំ​ពេញៈ​ ជាទូទៅ​មនុស្ស​ស្ទើរតែ​គ្រប់គ្នា​សុទ្ធតែ​បានដឹង​ និង​ទទួលស្គាល់​ថា​ វិស័យ​អចលនទ្រព្យ​នៅ​កម្ពុជា​ កំពុងតែ​មាន​ភាព​រីកចម្រើន​យ៉ាង​ល្អ​ប្រសើរ​ ដែល​ជំរុញ​ឱ្យ​តម្លៃ​ដី​មានការ​កើនឡើង​ជាប់​ជាប្រចាំ​ ខណៈ​ដែល​តម្រូវការ​នៃ​ការប្រើ​ប្រាស់​ដី​មាន​កំណើន​។

ហេតុអ្វីបានជា​កម្ពុជា​មាន​ភាព​ទាក់ទាញ​ ការ​វិនិយោគ​លើ​វិស័យ​លើ​មួយ​នេះ​កាន់តែ​ច្រើន​? តប​ទៅ​នឹង​ចម្ងល់​មួយ​នេះ​ អ្នកជំនាញ​បាន​ពន្យល់​ជាមួយនឹង​ការ​លើកយក​ហេតុផល​មក​បញ្ជាក់​ដូច​ខាងក្រោម​។

អគ្គនាយក​ក្រុមហ៊ុន​អចលនទ្រព្យ​ Keller​ Williams​ Cambodia​ លោក​បណ្ឌិត​ គីម​ ហ៊ា​ង បាន​មានប្រសាសន៍​ឱ្យ​ដឹង​តាម​ទូរស័ព្ទ​ កាលពី​ពេល​ថ្មី​ៗនេះ​ថា​ មាន​មូលហេតុ​ និង​កត្តា​សំ​ខាន់​ៗចំនួន៥​ ដែល​ធ្វើ​ឱ្យ​ដីធ្លី​ឡើងថ្លៃ​។

ទី១​ កត្តានយោបាយ​៖​ គឺ​សុខ​សន្តិភាព​ និង​ស្ថិរភាព​នយោបាយ​ ជាផ្នែក​មួយ​ដែល​ធ្វើ​ឱ្យ​តម្លៃ​ដីធ្លី​កើនឡើង​ ព្រោះ​បើសិនជា​ប្រទេស​យើង​គ្មាន​សន្តិភាព​ និង​ស្ថិរភាព​នយោបាយ​ ក៏​មិន​មាន​អ្នក​វិនិយោគ​ចូល​មក​ដែរ​ ហើយ​ដី​ក៏​មិន​ឡើងថ្លៃ​ដែរ​។

ទី២​ កត្តា​សេដ្ឋ​កិ​ច្ច៖​ សេដ្ឋកិច្ច​ពិតជា​មាន​សារៈសំខាន់​ ព្រោះ​បើ​សេដ្ឋកិច្ច​មិន​កើនឡើង​ ប្រជាពលរដ្ឋ​ក៏​មិន​មាន​ប្រាក់ចំណូល​កើនឡើង​ដែរ​ ហើយ​អ្នក​វិនិយោគ​បើ​ពួកគេ​មិន​អាច​រក​ផល​ចំណេញ​បាន​ ពួកគេ​ក៏​មិន​មក​វិនិយោគ​នោះ​ដែរ​។

ទី៣​ កត្តា​ពាណិជ្ជកម្ម​ និង​សេដ្ឋកិច្ច​មូល​ដ្ឋាន៖​ តាមធម្មតា​ នៅពេល​តំបន់​ណាមួយ​គ្មាន​សកម្មភាព​ពាណិជ្ជកម្ម​សេដ្ឋកិច្ច​ និង​ការ​អភិវឌ្ឍ​ទេ​ តម្លៃ​ដីធ្លី​ក៏​មិន​ឡើងថ្លៃ​នោះ​ដែរ​។ ផ្ទុយទៅវិញ​ បើសិនជា​តំបន់​ណាមួយ​នោះ​មាន​សកម្មភាព​សេដ្ឋកិច្ច​ ពាណិជ្ជកម្ម​ផុសផុល​ តម្លៃ​ដីធ្លី​នឹង​កើនឡើង​ជា​ស្វ័យប្រវត្តិ​មិនខាន​។

ទី៤​ កត្តា​ប្រជា​សា​ស្ត្រ៖​ ជា​ធម្មតា​ តម្លៃ​ដីធ្លី​មិន​កើនឡើង​នៅ​ទីវាល​រហោស្ថាន​ឬស្ងប់ស្ងាត់​ និង​គ្មាន​មនុស្ស​រស់នៅ​ច្រើន​នោះ​ទេ​ បើ​ទោះជា​កើនឡើង​ក៏​មិន​កើនឡើង​នៅក្នុង​កម្រិត​មួយ​ទាប​ដែរ​ ព្រោះថា​ទីណា​មាន​មនុស្ស​ច្រើន​ សកម្មភាព​អភិវឌ្ឍ​លើ​វិស័យ​សេដ្ឋកិច្ច​ និង​ពាណិជ្ជកម្ម​នឹង​កើនឡើង​នៅ​តំបន់​នោះ​ ហើយ​ពេលណា​សកម្មភាព​ពាណិជ្ជកម្ម​កើនឡើង​ តម្លៃ​ដីធ្លី​ក៏​កើនឡើង​ផង​ដែរ​។

ទី៥ កត្តា​ហេ​ដ្ឋា​រចនា​សម្ព័ន្ធ៖ ជា​ការពិត​ហេដ្ឋារចនាសម្ព័ន្ធ​គឺជា​ផ្នែក​មួយ​យ៉ាង​សំខាន់​ និង​គាំទ្រ​ដល់​កំណើន​សេដ្ឋកិច្ច​ពាណិជ្ជកម្ម​ ព្រោះ​តំបន់​ណាមួយ​មិន​មាន​ ហេដ្ឋារចនាសម្ព័ន្ធ​ច្បាស់លាស់​នោះ​ទេ​ សកម្មភាព​ពាណិជ្ជកម្ម​នឹង​មិន​មាន​ភាព​ប្រសើរ​នោះ​ដែរ​។ ជាក់ស្តែង​ផ្លូវជាតិ​លេខ៦​A ផ្លូវជាតិ​លេខ១​ ផ្លូវជាតិ​លេខ៣​ ក្រោយពេល​រដ្ឋាភិបាល​ប្រកាស​ពង្រីក​សកម្មភាព​ នៃ​ការអភិវឌ្ឍន៍​បាន​កើនឡើង​ បាន​ធ្វើ​ឱ្យ​តម្លៃ​ដី​នៅ​តាម​តំបន់​ទាំងនេះ​មានការ​កើនឡើង​ខ្ពស់​លើស​ការ​រំពឹង​ទុក​៕

 
Source From: The Property Report